Al Tuşòun frét

 

Còl ch'égh vōl per 4 persòuni:

 

300 g ed tuşòun

50 g. ed pân radû

1 ōv

2 cucêr ed lât intēr

Sêl - còl ch' égh và

Ôli per frézer - còl ch' égh và

 

Preparasiòun:

Tajêr cun un curtèl al strési ed tuşòun a pcòun ed sînch-sē centémeter cîrca.

In un piât fònd şmercêr bèin l'ōv cun al lât, pucêr i pcòun ed tuşòun e pó pasêri int al pân radû, calchêr (mia trôp fôrt) cun al mân in môd che l'impanadûra la 's pôsa tachêr bèin in tót al pêrti. Arfêr 'n' êtra vôlta al pasâg int l'ōv e int al pân radû. Frézer in dimòndi ôli chêld per trî minût o fîn a quând la gròsta la dvèinta indurêda, girêri cun delicatêsa cun 'na palèta. Sculêri cun un mès'c furê e mètri tót pêra insém a soquânt fòj ed chêrta da cuşèina, cun 'd j êter fòj quacêri e cun al  mân calchêr (mia trôp fôrt)  per sughêri bèin da l'ôli.

Salêr e servîr subét fîn ch'în chêld.

 

E... bòun aptît!