Caşalgrând

In dó l'é

 

L'é in culèina tra mezdé e matèina e a 17 chilômeter dal cèinter ed Rèz, insém a la spònda stânca dal  Sècia che ché al şbòca int la Pianûra Padâna

 

Al teritôri dal Cmûn l'é despêra, al gh'à dal variasiòun che vân dai 57 a i 378 mēter insém al livèl dal mêr e l'é fât, in pió ed Caşalgrând, ânca dal frasiòun ed Dinasân, Salvatèra, Sân Dunèin, Sânt'Antunèin, Vègia e Velalònga.

 

Caşalgrând l'é divîş in dō burghêdi i Bujòun in dó gh'é al Cmûn e la zôna dal j abitasiòun nōvi e Caşalgrând Êlt in dó gh'é la cēşa e l'antîgh castèl.

 

L'é traversê da matèina a sîra da la ferovéia Rèz - Sasōl, da la strêda pruvincêla SP467r ch' la va da Scandiân a Sasōl, da Castlarân a rîva la strêda statêla SS486 che int al cmûn ed Caşalgrand la ciâpa al nòm de strêda pruvincêla SP486r, da Rubēra a rîva la strêda pruvincêla SP451.

 

Al Cmû al cunfîna a nôt cun Rèz e Rubēra, a matèina cun i cmûn mudnèiş ed Mòdna, Furméşen e Sasōl, a mezdé cun Castlarân e a sîra cun Scandiân.

Nôta: al stèma dal cmûn ed Caşalgrând l' é stê tôt da www.araldicacivica.it e l'avtôr l'é Massimo Ghirardi.