Castelnōv di Mûnt

 

Nôta: al stèma dal cmûn de Scandiân l' é stê tôt da www.araldicacivica.it e l'avtôr l'é Massimo Ghirardi.

 

In dó l'é

 

Castelnōv di Mûnt l'é a mezdé a 44 chilômeter da Rèz.

Al cunfîna a nôt cun Canòsa e Caşîna, a matèina cun Carpnèida, a mezdé cun Véla Mnôs, Buşana, Ramşèit, e a sîra cun Vèt.

L’ é a i pē ‘d la Prēda ed Bişmântva, ‘na carateréstica cunfurmasiòun ed la tèra che a’s preşèinta cme ‘na strèta e êlta spianêda cun al parèidi a strapiòmb tót intōrna. Al pûnt pió êlt l’é la séma ed la spianêda 'd la Prēda ed Bişmântva a 1047 mēter  in sém al livèl dal mêr  mèinter al pûnt pió bâs a’s câta a 351 mēter , cun un cambiamèint d’altèsa 'd 696 mēter . Al municépi l’é a 700 mēter i.l.m.

Al cèinter l’é da méz a trèi culèini quacêdi da piânt mési zò ind i ân '20: Mûnt Castèl, Mûnt Fōrch e Mûnt Bagnōl.

La zôna l’é destinêda in grôsa pêrt a l’ agricoltûra e a l’ alevamèint, ativitê che ind al tèimp àn, pôch a la vôlta, mudlê l'aspèt dal paeşag.

 

Strêdi

Al cèinter ed Castelnōv l'é traversê da la SS63 dal Pâs dal Cerēto ch'égh permèt al colegamèint cun Caşîna e Rèz vêrs nôt e cun Buşâna e Aóla vers mezdé. Da Castelnōv partés ânca la SP57 ch'la pôrta vêrs Vèt, la SP108 ch'la pôrta vêrs Carù. Da la zôna 'd Flèina la SP19 vêrs la Gâta, la SP7 vêrs Carpnèida e dal Fariōl la SP79 vêrs Canòsa.