I Faşō cun al còdghi

 

Còl ch' a 'gh vōl per 4 persòuni:

 

400 gr ed faşō biânch frèsch (dmèj s' în i ''biânch de Spâgna'')

300 gr ed còdga ed nimêl

50 gr ed lêrd ed persót

1/2 sigòla

2 spîgh d' âj

3 o 4 cucêr d' ôli intēr

1/2 scâtla ed cunsêrva ed pomdôr

sêl

pèiver

brôd ed dê

 

Preparasiòun:

Şbujntê al còdghi, ras'cèi, pasêi insém a la fiâma per bruşêr al sèdli, tajêli a fetlèini, dôp evèirli, se necesâri, ancòra şgrasêdi. A pêrt fê cōşêr i fasō. In n'êtra tègia metî al lêrd ed persót, l'ôli, l'âj e la sigòla, zuntê i filèt ed còdga, fêi sufrézer e lasê insavurîr, zuntê al brôd, la cunsêrva ed pomdôr, faşô, sêl e pèiver e fê cōşer per pió ed dō ōri. Al còdghi a dêven èsser côti, mó dimòndi, dimòndi e al sûgh al dêv èser bèl fés.

 

E... bòun aptît!