La Sulêda

Còl ch’ a ‘gh vōl:

 

400 gr ed farèina

4 spîgh ‘d âj

50 gr ed destrót

1 bruclèin ‘d uşmarèin

sêl còl ch’ égh và

 

Preparasiòun:

Şmercêr la farèina cun l’âj e l’uşmarèin tridê dimòndi fîn, cun al sêl e cun l’âcva fîn quân an ‘s è utgnû un impâst asê pastōş. Deşfêr al distrót in ‘na padèla insém al fōgh vîv e quând al bòj druvê un cucêr per vudêr l’impâst un pô a la vôlta. Lasê frézer fîn quân la grôsa fritèla la ‘s pôl vultêr, indurêrla da tót al dō pêrti. Sughêr insém a un fòj ed chêrta da cuşèina o chêrta zâla. Servîr in tèvla bèin chêlda, cun un bòun Lambrósch e cun còl che vrî ed cuntōren.

 

Curioşitê:

còsta l’é óna dal tânti risèti a la bòuna ed la cuşèina arşâna, quând al rezdōri, despès, a duvîven rangêres cun la fantaséia per fêr dvintêr gustōş còl ch’ a gh’ ēra armêş  dal dé préma o/e cun còl che gh’ēra armêş int la panarèina.

 

 

E...  bòun aptît!