Lusêra

Nôta: al stèma dal cmûn ed Lusêra l' é stê tôt da www.araldicacivica.it e l'avtôr l'é Massimo Ghirardi.

In dó l’é:

Al cmûn ed Lusêra, l'è 'l paèiş pió a nôt ed la pruvîncia e l'è in séma la rîva a dréta dal Po a 36 chilômeter da Rèz e 25 da Mântva. Al cmûn l'è fât dal cèinter principêl Lusêra a dal frasiòun ed Caşòun, Codsòt e Velaròta. Al cunfîna a matèina cun i cmûn mantvân ed Suşêra e Gunşêga, a mezdé cun Guastâla, Nuvalêra e Rezōl a sîra cun Dôşel int al mantvân, a nôt cun Gaşōl int al mantvân.

Al cèinter dal paèiş l'è traversê da la SP62R che da Guastâla la pôrta a Suşêra, al teritôri dal cmûn l'è traversê da la SP62R var che da Bersèl la và a Suşêra cla strêda ché la permèt 'd an traverşer mia al cèinter di paèiş 'd la rivēra dal Po.